A INSUABELA - SINGRADURA DE OUTONO

Maravilhosa jornada de navegação na Insuabela com nordés mantido o mais do tempo superando os 6 nós nos melhores momentos.

Foi o passado sábado. Estivamos víveres: espectacular empanada "terra-mar" da que se encargou a Sara de Ribeira, os chouriços de Lalim de Mar e o alvarinho de casa de Suso em Caleiro.

Zarpamos com 19ºC, dia solheiro, céu e mar privilegiados, e pomos proa a Rua e os Guidoiros acompanhados da Moura. Também no mar A Volandeira, com José à cana, nuns bordos afinados e lixeiros que vão dar muito que falar nas vindeiras regatas de inverno do Lajareu.

Velai o vídeo que nos deixa o companheiro Carlos Barcala:

REGATA DE INVERNO 2015 DE DORNAS A VELA

En Ribeira comeza a temporada de regatas.

No Lajareu programamos a habitual Regata de Inverno con catro probas durante os meses de febreiro, marzo e abril, concretamente as datas son o 21 de febreiro, 7 e 21 de marzo e o 11 de abril.
Durante estes meses tamén coincide que se farán as eleccións á xunta directiva, por se tiñamos poucas este ano, pero xa vos iremos dando novas deste tema.

Aquí vos deixo o Anuncio de regata que facemos habitualmente. Bo vento.

.

A REGATA DE PRIMAVERA 2014 CUMPRIU AS ESPECTATIVAS DE PARTICIPACIÓN E COMPETICIÓN

A ÁNCORA GAÑOU ESTA EDICIÓN 2014 DA REGATA DE PRIMAVERA

Cada vez son mais as dornas que participan nesta regata que se fai anualmente cunha combatividade cada vez maior e sempre aparece xente nova que se interesa pola navegación tradicional. Logo do aprazamento da última proba que estaba prevista para o día 7 e se disputou o día 21, aquí vos deixamos as fotos e a clasificación da regata de primavera deste ano.

.

.

A clasificación final:

SE SUSPENDE TEMPORALMENTE A DERRADEIRA PROBA DA REGATA DE PRIMAVERA E SE TRASLADA AO SÁBADO 21

As condicións climatolóxicas non permiten disputar a regata que estaba prevista.

O tempo de hoxe coincide coa predición que daban estes días pasados, hai ventos de forza cinco do sur con refachos de forza sete. Este é o motivo polo que se suspende a regata que tiñamos prevista para hoxe no Lajareu de Ribeira e tamén vemos que se suspendeu a regata dos Amigos da Dorna de Portonovo.

As regatas de primavera que fai todos os anos o Lajareu a estas alturas xa están rematadas pero este ano non coincidiu ben e andamos metidos en xuño, combinando para non pisar as regatas doutros clubs aínda que non sempre se consegue.

A semana que ven, o sábado 14 é a Regata dos Faros do Grove á que nos gusta ir e na que teremos representación, por iso pospoñemos para o día 21 a cuarta proba da regata de primavera. Aquí vos deixamos a clasificación provisional.

A Deputación da Coruña concede unha subvención ao Lajareu

Subvención da Deputación da Coruña para o ano 2014.

A Deputación da Coruña ven de conceder á Asociación Cultural Lajareu por Barlovento unha subvención o pasado 25 de maio de 2014.

Esta subvención está dirixida a investimentos durante o ano 2014 e nesta ocasión o obxecto en concreto é a adquisición dun motor foraborda para a dorna xeiteira Insuabela. O importe concedido é de 2.398,32 €, que supón unha porcentaxe de financiamento do 70 %.