O Encontro do Freixo

Hola mariñeiría!

Acabo de ver unha entrada magnífica do noso amigo catalán Joan Sol, no seu blogue http://elmareselcami.blogspot.com.es/  con reflexións e unha estupenda reportaxe de fotos do Encontro do Freixo, no que tivemos o placer de navegar xuntos. Por iso vos invito a botar unha ollada a este post, http://elmareselcami.blogspot.com.es/2013/10/encontro-do-freixo-2013.html, que ainda que esté en catalán enténdese de marabilla se un ten boa intención e gañas, e a disfrutar das excelentes pfotografías: das que aparecen na entrada e das que se ven mediante o acceso a flirk  que aparece ao final do artigo.

http://www.flickr.com/photos/navegantsolitari/sets/72157636723769384/

A REGATA STA. UXÍA TRASLADASE AO DÍA 21 AS CATRO DA TARDE

O Lajareu tiña prevista para o pasado día 7 a regata que habitualmente facemos a primeiros de setembro. Ese día levantouse con vento do norte de mais de 20 nós na abra de Ribeira e as predicións indicaban que se ía manter toda a xornada, igual que nos días anteriores.

Por este motivo e tendo como exemplo todas as incidencias que houbo na regata do Carme, xa pola mañá decidiuse non facela. Logo o tempo tivo altibaixos e non foi o que estaba previsto, recalmou ao mediodía e voltou a subir ata os 28 nós de máxima. 


A decisión do comité de regata de suspendela sempre trae comentarios pola tardiña pero hai que respetala porque teñen que pensar en todas as dornas e non só nas cinco primeiras.

As dornas deixan o Lajareu por babor na regata de Sta. Uxía 2012 para poñer proa ao Camouco, ao fondo

Cunha foto desta regata no ano pasado invitámosvos a vir o próximo sábado día 21 para disputar a edición do 2013.

A DORNA CARIÑOSA GAÑOU A REGATA DO CARME DE RIBEIRA

O Lajareu mantén o trofeo da Dorna de Prata no Concello de Ribeira.

A tarde do sábado presentouse máis venteada do que indicaban as predicións e motivou que as dornas coseran rizos, a meirande parte un e algunha dous.

Aquí tedes todas as fotos da regata.

Unicamente a dorna Cariñosa da A. C. D. Dorna da Illa de Arousa aguantou con toda a vela e rematou a regata en primeiro lugar, parabéns aos campións.

O vento estivo de noroeste polo que o percorrido consistiu en dúas voltas a un triángulo formado por unha boia na praia de Coroso, o Lajareu e o Camouco, para rematar na boia da praia de novo.

 

 A Zoa e a Áncora, da A. C. Lajareu por Barlovento de Ribeira entraron cunha mínima diferencia na meta en segundo e terceiro lugar.










 

A Rona, da Asociación de Amigos da Dorna Meca, do Grove, entrou en cuarto posto.

Clasificación da regata do Carme 2013

As condicións do mar e do vento provocaron que algunhas dornas tivesen problemas para completar o percorrido, é de agradecer o traballo das embarcacións de apoio e da Cruz Vermella axudando a todas as que o precisaron.

As primeiras dornas clasificadas logo de recoller a Dorna de Prata

A REGATA DO CARME, TROFEO DORNA DE PRATA SERÁ O 17 DE AGOSTO

Ola a todos, logo de idas e voltas coa data, o sábado 17 de agosto organizamos a nosa regata principal do verán, a Regata do Carme, Trofeo dorna de prata. A saída está prevista para as 16:00, momento a partir do cal se dará a primeira pitada.

Dende o Lajareu invitamos a todos os clubs a que veñan a pasar o día a Ribeira e a participar nesta regata, na que coma todos os anos, ademais da clasificación individual, ponse en xogo a Dorna de Prata na clasificación por clubs.

Esta é unha regata por equipos na que se pon en xogo o trofeo "Dorna de Prata" que o equipo vencedor deposita na sede do seu Concello durante un ano, ata que se dispute de novo. 

Por cada club puntúan as tres primeiras dornas de cada un e o que teña menor puntuación é o vencedor. O ano pasado a Zoa de Charli e Xosé gañaron a regata e axudaron a que a "Dorna de Prata" quedase en Ribeira. Sempre está complicado facer que as tres dornas que puntúan estean preto da cabeza porque a competitividade é moi alta e cada ano os regatistas afinan mais, calquera despiste ou fallo faite baixar na clasificación.

Outra cita próxima é este sábado 10 na Illa de Arousa, onde se disputa a Regata do Bao 2013, que se caracteriza porque a saída é dende a praia, coas dornas varadas.

Como xa comentou Xosé nalgunha entrada, o importante é navegar, desfrutar con todos do mar e que haxa dornas a bolinar na ría.

Como facemos ultimamente, publicamos o Anuncio de Regata co que intentamos informar das condicións de participación e espallar o máximo posible o evento. 

A Deputación da Coruña concede unha subvención ao Lajareu

Subvención da Deputación para o ano 2013

A Deputación da Coruña ven de conceder á Asociación Cultural Lajareu por Barlovento unha subvención o pasado 17 de xullo de 2013.

Esta subvención está dirixida a investimentos durante o ano 2013 e nesta ocasión o obxecto en concreto é a elaboración do velame para a dorna xeiteira Insuabela por un importe de 1.198,63 €.

DORNAS A NAVEGAR CON MÚSICA

CURSO DE PATRÓN CON OFERTA PARA OS MEMBROS DE LAJAREU

Hola a todos: Interesantísima oportunidade. Como sabedes o nos compañeiro Fernando Redondo, patrón da Viquinga ven de botar a andar, ou mellor dito, a navega,r a sua empresa AROUSA NAÚTICA http://arousanautica.com, adicada a travesías en velero con patrón, e a escola de navegación para preparar  os títulos oficiais de navegación de recreo e impartir as prácticas. De feito vai impartir un primerio curso do PER comezando a vindeiro dia 15 de xullo, se xa os seus prezos son ben competitivos cos da competencia, fainos ademáis unha oferta para os  membros de Lajareu que podan esar interesados.  Lédea atentamente porque é de sumo interés para todos os que non teñades este titulo: Os cursos comezan 15 de xullo e o plazo de mat´ricula ofiacil esta aberto ate o dia 30 de xullo.  

Fernando fainos un 20% sobre as suas tarifas, co cal o precio do curso para a preparación do exame teórico do PER quedaría en 280€ con I.V.E. e tasas de dereito a examen incluidas (43€),

AS prácticas teñen un desconto do 10% sobre as tarifas de Arousa Náutica, para todos os que fagan a teoría xa con eles.

Os que esteades interesados, tanto para esta como para vindeiras ocasións,  falade con FernandoFernando Redondo fernando@arousanautica.com +34 610-313-736

El título de Patrón de Embarcaciones de Recreo (PER), permite el gobierno de embarcaciones de recreo a motor y a vela de hasta 12 metros de eslora, con un límite de distancia de hasta 12 millas naúticas de la línea de costa, así como navegación interinsular en los archipiélagos de Baleares y Canarias.

Requisitos para la obtención del título:

• Se requiere una edad mínima de 18 años o 16 años con autorización paterna o del tutor legal.
• Aprobar el examen teórico correspondiente.
• Prácticas de radiocomunicaciones de 2 horas con simuladores del S.M.S.S.M.
• Prácticas de 16 horas correspondientes a seguridad y navegación a motor.
• Prácticas de navegación a vela de 20 horas (optativa).
• Análisis Psicotécnico.

Duración del curso lectivo: 40 horas impartidas en nuestro centro.

Fecha y horarios de inicio próximo Curso de PER:   10 de julio. Lunes, martes y jueves de 20h a 22h.

Próxima convocatoria de examen teórico:  4 de septiembre del 2013.

Servicio incluye: Material completo para curso lectivo (libro o apuntes adaptados al temario oficial, cuestionario de exámenes, cartas náuticas, material didáctico), IVA, tasas y gestión de tramitación para inscripción al examen.

Servicio no incluye: Tasas de emisión de carnet y examen psicotécnico

A A. C. LAJAREU POR BARLOVENTO E O CONCELLO DE RIBEIRA PROMOCIONAN A NAVEGACIÓN TRADICIONAL EN DORNA

Convenio de colaboración

O Concello de Ribeira e a Asociación Cultural Lajareu por Barlovento veñen de asinar un convenio de colaboración o pasado 26 de xuño de 2013.

Neste convenio o Lajareu comprométese a promocionar o deporte en Ribeira e de xeito especial a navegación tradicional en dorna mediante a organización de diversas actividades como regatas de dornas, travesías pola ría, participación en regatas doutras asociacións ou estar presentes en encontros de embarcacións tradicionais ao longo deste ano.

Pola súa parte o Concello comprométese a subvencionar parte dos custes da organización destas actividades.

Preparativos para o Encontro do Freixo-Outes 2013

Boas a todos,

este sábado 29 é A Volta á Illa e a marea coincide ben para botar e logo subir a planeadora e as dornas que queiran ir aló porque está baixa ás 15:30.
 
Como quedan dúas semanas para o Encontro do Freixo-Outes 2013 precisamos organizar as nosas viaxes e estancia eses días e aproveitando que imos a estar pola nave convocamos unha reunión de información para os patróns das dornas inscritas e os tripulantes que queiran ir ao Freixo sobre as 11 da mañá.

Os temas a tratar son:
- Organizar os traballos de última hora na Insuabela
- Trasladar aos participantes a información xeral que nos facilitou a Organización, con especial tratamento para o tema das comidas e das embarcacións polo que é moi importante que estean os patróns.
- Organizar as posibles travesías para o sábado 6 en función da climatoloxía porque de Ribeira ao Freixo hai 26 millas (que levaría mínimo unhas 9 h se está o día perfecto). Para isto precisamos coñecer a dispoñibilidade de coches, remolques, tripulantes e telo algo organizado.
- Organizar os patróns e as tripulacións das dornas do club para cada xornada de navegación no Encontro.

Xa está próximo o XI Encontro de Embarcacións Tradicionais de Galicia. O Freixo - Outes 11-14 xullo 2013

SEGUNDA REGATA DE PRIMAVERA

17ª EDICIÓN-CAMPIONATO DE PRIMAVERA  DE DORNAS A VELA 2013

REGATA MARCADA POR UNHA TARDE SOLEADA E MOI APACIBLE  CON VENTOS ENTRE OS 7 E OS 8  NÓS, E UNHA TEMPERATURA EN TORNO OS 20º.

O pasado sábado día 4  de Maio  deu comezo a  2ª proba  de dornas a vela do 17º  campionato  de primavera de Lajareu por Barlovento, , na que participaron as dornas A Fiuza,    Lusiña, ,  Vikinga,  Volandeira,  Xaimiña,  Moura,  Rabuda,  Cachi, Praia da Bandourrío, Sandra e Zoa.

A tarde presentábase co ceo totalmente despexado  e unha temperatura casi de verán.

 O vento frouxo e moi fixado do oeste, faría desta regata unha tarde de navegación das que crean afición.

O percorrido da regata foi:  Saída dende o medio da badía de Coroso proa á boia de desmarque, situada perto do Náutico, para deixala por babor e continuar cara o faro do Lajareu, deixando este tamén por babor,  para despóis continuar  ata a Illa dos Ratos. Dende aquí rumbo ás Airoas para finalizar novamente perto da praia de Coroso.

No percorrido ata a boia de desmarque as dornas chegaron bastante agrupadas, destacando e pasando en primeiro lugar, como non podia ser de outra forma , a Zoa, cos veteranos regatistas Xosé e Charly. Seguída moi de perto pola Fiuza  e a Volandeira .

 Dende aquí e ata a illa dos Ratos,  e co vento pola aleta, as dornas manterian os seu postos, destacando  a lenta e imparable progresión que daa Xaimiña,  co seu xoven patrón, Xaime fillo, e a Sandra, que unha vez máis demostrou  as excelentes cualidades da sua dorna e o bo facer do seu patrón, José Antonio.

Deixada pola popa a Illa dos Ratos, quedaba o tramo ata as Airoas, o máis longo e determinante.   Co vento vindo moi perto da proa,  a únicas estratexias  consistían en pegarse  terra ou separarse cara o medio da ría.

Neste tram, prácticamente todas as dornas decidirían navegar polo rumbo de terra para así poder evitar a molestia da onda por proa.  Duas dornas, a  Xaimiña e a Sandra, destacaron neste bordo facendo unha gran remontada.

Rebasadas as Airoas, restaba o tramo final ata a liña de chegada no medio da praia de Coroso.  Non habería cambio ningún na clasificación ata a meta, ainda que neste tramo, xa contra o final da tarde, o vento rolaría un pouquiño cara o noroeste e entrando ás dornas pola amura, e obrigando os regatistas a bolinar moi fino para poder finalizar este último tramo nun bordo, cousa que non todos conseguirían.

Destacar, como ven sendo habitual, a impecable regata que fixeron Charly e Xosé na  Zoa,  que que situaron no primeiro posto na saida e o mantiveron ata o final,  impoñendo un forte ritmo e marcando unha gran ventaxa sobre os demáis regatistas.

Hai que destacar  o bo facer dos Xaimes, pai e fillo, que tendo virado a boia de desmarque nos últimas postos,  chegaron a pasar  a liña de cegada na terceira posición

A clasificación rematou así:

1º Zoa  ( Charly e Xosé )

2º  Sandra  ( J. Antonio e Carlos)

3º  Xaimiña ( Xaime,  Xaime-fillo)

4º  Moura ( Xesús e Marcos )

5º Lusiña (Antonio e Ron )

6º Cachi ( Juan e Tucho )

7º Volandeira ( Victor, Brux e Jorge )

8º A Fiuza ( Severino e Nacho )

9º Rabuda II ( Xosé e Santi )

10º Praia de Bandourrío ( Frank e Manuel )

11º Vikinga ( Fernando e Tano )

 

Vindeira regata  o sábado 18 de Maio as 16:30 horas.

Iniciamos a XVII Regata de primavera de dornas a vela no Lajareu

A LUSIÑA GAÑA A 1ª PROBA DESTA REGATA DE PRIMAVERA 2013 LOGO DUNS BORDOS DE BOLINA MOI BOS NOS QUE PASOU ÁS DORNAS DE CABEZA



A Lusiña pasa por barlovento da Carabeliña

O pasado sábado 20 de abril disputamos a 1ª proba da regata de primavera 2013, na que participaron as dornas do Lajareu A Fiuza, Cachi, Lusiña, Papoula, Praia de Bandourrío, Rabuda II, Sandra, Volandeira, Xaimiña e Xarda.

A tarde presentábase moi fermosa, co ceo azul e limpo, con vento moi frouxo do oeste pero con previsións de que forse a máis segundo pasase a tarde. O percorrido da regata foi saída de Coroso cara ao faro de Lajareu por babor (través), para despois seguir cara ao sinal do Caamouco por babor, a Illa de Rúa por babor (empopada) e chegada en Coroso (bolina).

A praia de Coroso foi testemuña da axustada saída sobre a pitada das primeiras dornas

A saída foi sobre as 16:30, cun vento fresco do noroeste cara ao Lajareu, que fixo andar lixeiras as dornas. Volandeira alcanzou o Lajareu no primeiro posto, mais seguida de preto pola Lusiña, Sandra, Xaimiña e o resto da flota e no que houbo que facer unha trasluchada para coller rumbo ao Caamouco e Rúa . A Xaimiña, que fixo unha manobra perfecta, saíu 1ª nada máis pasar o faro e as dornas foron empopadas ata Rúa. Neste treito, a Xaimiña, Lusiña e Volandeira loitaron por coller o barlovento mentras Sandra se afastaba desa loita. Volanderia pasaría 1ª o Falante de Rúa, pero coas outras tres pegadas á súa popa.

A saída de Rúa fíxose por esta orde: Volandeira, Sandra, Xaimiña e Lusiña. Aquí compre salientar a grande manobra da Lusiña, que navegou arrimada a Rúa e sorteando as pedras foi quen de saír pola Carabeliña. Isto fíxolle gañar un barlovento que na bolina a Coroso tería un valor de grande interese.

As dez dornas que participaron nesta proba logo de pasar Rúa. Hai que fixarse na terceira de babor para ver que son dúas

Unha tarde estupenda na Arousa. As dornas bolinan dende Rúa proa ás Airoas con Aguiño ao fondo

Ao saíren de Rúa toda a frota foi cara ás Airoas, xa con vento máis fresco do NO, e como acontece neste tipo de rumbos algunhas decidiron coller o rumbo de terra (Rabuda, Xaimiña .......) e as demais achegarse ás Airoas. Volandeira gaña o barlovento á Sandra pero non pode con Lusiña que favorecida por este vento máis forte navegaba moi veloz e rompendo moi ben as ondas.

Sandra e Volandeira viran para Coroso mentras Lusiña aproveita para achegarse ás Airoas todo o posible.

Indo xa para Coroso, Volandeira tenta rectificar facendo outro bordo, pero as súas bolinas non evitaron que Lusiña, imparable, cruzase a meta con tranquilidade. Sandra aproveitou moi ben o seu bordo e conseguíu pasar por diante da proa da Volandeira a poucos metros da meta. Xaimiña tivo que loitar e seu 4º posto coa Papoula tamén a pouco da liña de chegada.

Estas son todas as fotos. José María as fixo ben de preto, incluso dende o Caamouco.

A clasificación desta proba foi a seguinte:

1º Lusiña (Antonio e Ron)

2º Sandra (Jose Antonio e Marcos)

3º Volandeira (Víctor e José)

4º Xaimiña (Xaime e Xaime)

5º Papoula (Carlos e Manolo)

6º Rabuda II (Xose e Santi)

7º A Fiuza(Severino e Nacho)

8º Cachi (Juan e Jesús)

9º Praia de Bandourrio (Fran e Emilio)

10º Xarda (Carlos e Carmen)

A segunda proba é este sábado 4 así que vos esperamos coma sempre sobre as 16:00 para velear de novo.

Hai que facer unha mención especial aos novos regatistas do Lajareu que xa completan unha regata e cada día o fan mellor, todos pasamos polo último posto da clasificación e dende aí unicamente se pode ir para arriba. (Pode que algo de culpa a tivese o teléfono, que despista e perdes o rumbo)

Carmen e Carlos na Xarda

Rematou o 17º campionato de inverno de dornas a vela en Ribeira

REGATA MARCADA POR UN TEMPO BASTANTE ESTABLE CON VENTOS QUE RONDARON OS 12 NÓS CARGANDO NAS RACHAS ATA OS 16 NÓS.

O pasado sábado día 6 de abril disputouse a última proba da regata de inverno de dornas a vela do ano 2013, na que participaron as dornas A Fiuza, Lusiña, Moura, Papoula, Praia de Bandaurrío, Rabuda II, Sandra, Vikinga, Volandeira, Xarda e Xaimiña.

A tarde presentábase co ceo entre nubes e claros e con unha temperatura bastante aceptable que rondaba os 14º. O vento moderado e moi fixado do noroeste, que andaba nos 10 nós chegando ata os 17 nas rachas.

Con estas condicións os participantes disfrutarían, por primeira vez neste campionato de inverno, dunha tarde con moi bos momentos de sol e nada de choiva. Todo un luxo.

O percorrido da regata foi: Saída dende o medio da abra de Coroso proa á boia de desmarque, que estaba preto do náutico, para deixala por babor e continuar ás Airoas nun través. Dende aquí seguirían ata as Lobeiras levando neste tramo o vento pola aleta, para continuar cara a meta nunha ceñida moi pechada.

Na saída do percorrido ata a boia de desmarque as dornas chegarían bastante agrupadas, destacando a Sandra, Xaimiña, Volandeira e Moura.

Ata o seguinte paso, as Airoas, non habería cambios no orden de chegada. A esta altura a embarcación peor parada sería a Rabuda II que volcou no momento da trasluchada, aínda que sen máis consecuencias xa que as lanchas de salvamento marítimo e protección civil foron rápidas en axudar aos tripulantes.

No seguinte tramo ata as Lobeiras tampouco habería cambios significativos na clasificación, pero dende aquí ata a meta si que o orden de chegada daría un cambio importante xa que algunhas das embarcacións situadas nos primeiros postos decidirían facer o bordo cara fora e perderían moita vantaxe con respecto as dornas que decidiron facer o bordo cara Palmeira.

Algunhas dornas como a Xaimiña, Sandra ou a Papoula serían as máis prexudicadas, e a Vikinga e a Lusiña as máis beneficiadas.

A Volandeira sería a única en manter o seu posto, entre os de cabeza, despois de facer o bordo cara fora, e moi meritoriamente facer un segundo posto na clasificación final. Neste caso a veteranía de Xosé e Carlos xogaría ao seu favor.

A clasificación final foi a seguinte:

1º Lusiña

2º Volandeira

3º  Vikinga

Seguidos da Sandra, Papoula, Moura, Praia de Bandaurrío, Xaimiña e A Fiuza e non remataron a regata a Xarda nin a Rabuda II.

Con isto rematou a regata de inverno da que podedes ver aquí a clasificación final.

Hai que darlle os parabéns a Fernando e Carla polo seu primeiro posto coa Vikinga,

Suso, da Moura, entregando o trofeo aos vencedores da regata, Carla e Fernando da Vikinga

a Antonio e Ron da Lusiña polo segundo 

 

A Lusiña, vencedores desta proba e segundos na clasificación xeral. Antonio co seu fillo que xa está pedindo unha dorna e o seu teste Ron. Parabéns.

a José Antonio e o seu fillo Miguel na Sandra polo terceiro. 

José Antonio e Miguel, pai e fillo, na Sandra, sempre nos primeiros postos

Claro está ao resto da flota tamén entre os que me atopo. Podedes ver neste álbum todas as fotos desta última proba.

Damos as gracias aos compañeiros que nos axudan a facer estas cousas nas embarcacións de apoio, á xente de protección civil e claro está a José María o noso habitual xuíz de regata que tamén fai de reporteiro fotográfico. 

Como sempre que rematamos una regata fixemos unha xuntanza á que se achegaron amigos e familiares así que pasamos unha tardiña boa entre as dornas do Lajareu.