REGATA DE PRIMAVERA - 2ª

 

Paso polo Camouco na segunda volta

Este sábado disfrutamos da segunda proba da Regata de Primavera cun día cuberto, con ameaza de choiva e co vento xustiño para sair a nevegar.

Sete dornas para un percorrido curto ao que lle dimos duas voltas, con vento de suroeste e 12 nos saimos proa á boia de desmarque na praia, Lajareu, Camouco, Lajareu, Camouco, momento no que rolou o vento a noroeste, o noso habitual San Alberte, e tivemos que bolinar para a chegada en Coroso.

Toda a xornada estiveron os catro de cabeza xuntiños marcándose entre eles e non se decidiu ata o último bordo onde se impuxo a Zoa de Charli e Carlos, a clasificación foia seguinte:

1.  Zoa
2. Josefa
3. Xaimiña
4. Carmen
5. Teis
6. Moura
7. Cortegada

Aquí vos deixamos algunhas fotos da xornada.

Álbum de fotos da xornada

REGATA DE PRIMAVERA - 1ª PROVA

Passo polo sinal do Lajareu

O passado sábado dia 29 de Março iniciamos no Lajareu por Barlovento a temporada de regatas de Primavera. Com um vento de força 4 de direcçom Nordeste que foi rolando a Norte e ondas de 0'5 metros, tomárom a saída oito dornas numhas condiçons ideais para a navegaçom.

O percurso de duas voltas a um circuito de regata estava formado por umha boia de desmarque para a primeira volta, o faro do Lajareu e a Ilha dos Ratos.

Dornas ao mar! começam as regatas.

A clasificaçom foi a seguinte:

1. Ardentia
2. Xaimiña
3. Zoa
4. Josefa
5. Tixosa
6. Cortegada
7. Lobeira
8. Moura.

ACTA DA REGATA
(DESCARREGAR)

A Ardentia, depois dumha saída um tanto azarosa, conseguiu remontar e alçar-se com a victória nesta primeira prova.

A Ardentia, vencedora da prova, no bordo de bolina cara os Ratos

Agradecemos a participaçom dos companheiros da Josefa, do clube Dorneiros Regateiros, e aproveitamos para convidar mais umha vez outras dornas que queram participar.

A segunda prova está prevista para o 12 de Abril.

ÁLBUM DE FOTOS

Álbum de fotos da jornada

Crónica: Xosé Cadaveira (Moura)
Fotos: Juana Parada (terra), Blanca Carballal (terra), Santi Moroño (Moura), Marcos Buide (Lobeira)

ANÚNCIO DE REGATA DE DORNAS - PRIMAVERA 2025 LAJAREU

Este sábado 29 de março, às 16:30, disputa-se a primeira prova da regata de primavera de dornas a vela do Lajareu. Vai de seguido o anúncio oficial de regata, e abaixo ligação para a inscrição:

FORMULÁRIO DE INSCRIÇÃO PARA TODA A REGATA (5 PROVAS)

Animamos a todas as tripulações e clubes de dornas a se achegarem por Ribeira para participar nestas provas e passar umha boa jornada de mar e de vela tradicional.

    Anúncio de regata em PDF

CALENDÁRIO DE REGATAS 2025

Aprovado na assembleia geral ordinária do Lajareu, o calendário de regatas e travessias para dorna a vela, organizadas desde o clube de Ribeira para este ano:

 

Regata de Primavera , con 5 probas

- 29 marzo

- 12 abril

- 26 abril

- 10 maio

- 24 maio

Regata do Carme , 28 de xuño (adiantamos un mes a data habitual polo Encontro e a Volta á Illa q cadran en xullo)

Travesía a Palmeira , 13 de setembro

O XVII Encontro este ano será en Ribeira do 17 a 20 de xullo.

Como sabedes, cada prova da regata é aberta para todas as dornas que queiram participar de qualquer clube ou particulares. Haverá entrega de troféus o último dia da regata segundo a classificação por pontos de todas as provas nas que se participara. Rege o regulamento oficial da categoria "dorna" e o regulamento internacional de vela da ISAF.

As saídas (primeira pitada) darão-se às 16:30, prévia inscrição telemática obrigatória (publicará-se), ou passar antes polo galpom do Lajareu.

Ficam programadas também a tradicional regata do Carme e a jornada de convívio dorneiro com travessia a Palmeira.

Contamos convosco!!