Proxectos: A "Xaimiña"

Non. Non é unha cadeira desas raras das que se ven no Museo da Arte Moderna de Neu Ior. É, nin máis nin menos, ca "Xaimiña" en camiño a ser unha dorna estrela. Agora que Jaime García Leira atopou o segredo das táboas que non rompen a viralas --leva xa non sei cantas ducias escachadas-- todo vai con vento en popa a toda vela. Noraboa por un proxecto de recuperación do que teremos moito que falar. Agora ben, ós prezos actuais da madeira de pino correúdo e da cervexa, por iso de calmar os nervios, esta vai ser unha verdadeira obra de amor ó arte.