Publicacións
Todos os comentarios
Este sábado 13 de xullo, ás 16:30, disputase a regata do Carme 2024 de dornas a vela do Lajareu. Vai de seguido a folla de inscrición e o anuncio oficial da regata.
INSCRICIÓN REGATA DO CARME 2024
Animamos a todas as tripulacións e clubes de dornas a se achegar por Ribeira para participar nesta regata e pasar unha boa jornada de mar e de vela tradicional.
O sábado 8 de xuño rematou esta edición da Regata de Primavera de dornas a vela que organiza o Lajareu e que se disputou nas augas da ría de Arousa con saídas e chegadas na abra de Ribeira.
Inicialmente estaban previstas cinco probas das que se anulou unha por mor das condicións meteorolóxicas, nas catro que se realizaron participaron dornas da Illa de Arousa, Cambados e Ribeira cun total de 19 dornas no cómputo total.
A clasificación final foi a seguinte:
Co outono a assomar o focinho, presta lembrar o ventinho morno de julho e a regata do Carme disputada em Ribeira o sábado dia 15.
 |
| Obrigados pola foto da regata que nos passa "Dende O Castelo" |
Tocou brisa fresca do quarto quadrante, o nosso S. Alberte. Foi subindo ao que a tarde avançava, chegando algum refacho aos 25 nós, para rematar o serão em encalmada com praticamente todas as dornas de volta na praia das Carolinas.
O comitê de regata decidiu a saída desde Coroso de bolina cara umha boia de desmarque nos Petoncinhos (aproximando o Náutico), seguinte bordo em popa deixando o Camouco por estribor, volta a Rua deixando-a por babor, e de bolina até entrar pola linha de meta em sentido W a E.
Destacou a loita in-extremis da Xaiminha versus Zoa. A Xaimiña -patroneada polo Xaime Leiro Jr. e Juan Fontaiña à tosta- situou-se de contado em cabeça, mas a Zoa foi ganhando terreo dende o Camouco. O Charly ao leme da Zoa com Carlos Ruano de tripulante, superam com pericia o desvente de Rua ao passar o Falante para se achegarem a menos dumha eslora da Xaimiña. Mas a Xaimiña anda fina e não perdeu a dianteira, vira antes em Palmeira, e nos Ratos volve a Zoa situar-se a um palmo como umha sombra.
A Xaimiña chega à boia da linha de meta, mas precisa fazer virada para entrarem no sentido fixado de W a E. No entanto, a Zoa ganhara com mestria barlovento em Coroso e dá passado a linha de meta diretamente escassos segundos antes que a Xaimiña.
Parabéns a todas as dornas que participarom e em especial aos protagonistas do dia. A Xaimiña, como véu demonstrando nas regatas de primavera está num nivelazo espectacular, e complicou-lhe muito a vida à Zoa que acabou impondo-se no último bordo coa sua experiência milhas de regata no corpo.
Classificação:
Zoa
Xaimiña
Ardentia
Teis
Cortegada
A Fiúza
Sandra
Volandeira
Papoula
Moura
Agradecimento ao juiz, persoal de apoio e como não a todas as dornas que participarom. Como de costume, rematamos a jornada cos petiscos e entrega de troféus num agradável serão de verão.
Álbum de fotos:
 |
| Álbum de fotos da regata e entrega de troféus |
Este sábado 15 de xullo, às 16:30, disputa-se a regata do Carme de dornas a vela do Lajareu. Vai de seguido a folha de inscrição e o anúncio oficial da regata.
INSCRICIÓN
Folha de inscrição (premer aqui)
ANÚNCIO DE REGATA
Podes descarregar o anúncio em pdf aqui: Anúncio de Regata do Carme 2023
Animamos a todas as tripulações e clubes de dornas a se achegarem por Ribeira para participar nesta regata e passar umha boa jornada de mar e de vela tradicional.
Dornas ao mar!
O sábado 8 de junho disputou-se a quinta prova e final desta rolda, por tanto temos dorna vencedora da Regata de Primavera de dornas a vela do Lajareu de Ribeira!
Com 14 dornas a participar desde abril nas augas de Ribeira, primeiro cumpre reconhecermos a deportividade, a boa participação e o altíssimo nível demonstrado por todas as tripulações. E um agradecimento mui especial desde o nosso clube às dornas vindas doutros portos das rias.
O podium:
Os mais sinceros parabéns e reconhecimento à Jalerna, governada por Álvaro e Carterola nesse primeiríssimo posto. Umha dorna senlheira na ria, umha equipa cos objectivos claros, de altíssimo nível e que demonstrou na abra de Ribeira o que era navegar. Um primeiro posto tão merecido como renhido até o último momento.
A un punto temos de segunda a Xaimiña, escalando com afouteça ao longo das provas, entrando no primeiro posto das duas últimas. Um Jaime Jr. ao leme, que saca de onde não hai! Co Fontaiña ao teste, agasalharom-nos com algumhas das estratégias mais espectaculares e efectivas da tempada. Parabéns a estas duas promessas da dorna a vela.
E também a um punto, no terceiro posto, damos também os parabéns à Fiuza, con Severino e Nacho, umha tripulação mais que consolidada, ganhadores da primeira prova e que demonstrarom nestes três meses conhecimento, siso e a constância que leva merecidamente ao podium.
O agradecimento e parabéns às 14 dornas que paticiparom desde abril a junho na regata. Cumpre destacar o cumprimento estrito do regulamento classe Dorna (RCD), e mui em particular que todas as dornas empregarom a vela regulamentar, adequada ademais às condições de segurança e navegação que impõe a abra de Ribeira, o canal da ria e os meses nos que navegamos. No queremos esquecer também agradecer ao persoal e embarcações de apoio, e como não ao juiz de regata.
 |
| Álbum de fotos entrega de Trofúus Primavera 2023 |
Rematada a regata festexou-se cuns petiscos e boa conversa, entrega de troféus e umhas verbas de reconhecimento da directiva e dos participantes.
Vam de seguido umhas fotos da 4ª prova disputada o 27 de maio:
 |
| Álbum de fotos 4ª prova |
