REGATA DE PRIMAVERA - 2ª PROVA

Aproveitamos este dia das letras galegas para vos achegar o resumo da segunda prova da nossa regata de primavera, que se celebrou o sábado 23 de abril e estava pendente.

Começamos pola classificação. 

O céu ameaçava trevoada, mas...  o lóstrego foi a Xaimiña. Fixo umha saída espetacular, e em todo o percorrido "asobalhou" o resto da frota ganhando cada vez mais distância e entrado com muito margem no primeiro posto. Merecidos parabéns aos Xaimes!!

1. XAIMIÑA
2. ZOA
3. MOURA
4. A FIUZA
5. VOLANDEIRA
6. VIKINGA (NF)

 

A Zoa tivo umha saída complicada, e para quando derom içado vela ao jeito, estavam de últimos a passar a boia de desmarque. Bem sabemos da mestria do Charly à canha, e foi remontando umha a umha o resto das dornas até entrar de segunda. Parabéns pola remontada a Charly e Lara!!

A Moura patroneada por Marcos resolveu mui bem esse terceiro posto, ainda estando de curso, aprendendo-lhe a Juan Fontaiña e Samanta Romay de tripulantes. Damos-lhes a benvida. 

A Vikinga levava muito tempo sem ir ao mar e tivo que abandonar por que não eram quem de achicar. Ficou a inchar no tira-vira para seguintes provas.

 

Metemos desta volta este vídeo resumo da regata que preparamos co material que rodou Juan Luis, que foi de apoio, o que aproveitamos para agradecer. 

 

O percorrido podedes ver que foi: boia de desmarque em Coroso, Lajareu, Camouco, Rua, Airoas e entrada de novo em Coroso. 

O vento predominou do SW duns 10 nós, e arredor dos 15 nós no canal com refachos próximos ao 20 nós, que levarom a três dornas a tomar um rizo.

 

Passamos também o álbum coas fotos que foi tomando Xosé Maria, o juiz, que agradecemos também.

Álbum regata 2ª prova Primavera Lajareu Ribeira 2022

3ª PROVA ADIADA

A 3ª prova foi suspendida por falta de vento e trasladada ao sábado 21 de maio.

 

Menudo panorama! ;-)